Næringsutviklingsarbeidet i Vestnes har fått ein viktig tilvekst med Føniks Næringshage, som starta 1. januar 2012 i Oldschool på Daugstad. Dei stiller med utviklingsressursar, gode og romslige lokaler og har som mål å samlokalisere ti bedrifter. Det er gründerane av Villagruppen som står bak. Vestnes Næringsforum har samarbeidd med dei i fleire år, har deltatt aktivt i søknadsarbeidet for næringshagen og har no ein minoritetspost i selskapet.

Samla stiller no Vestnes med desse verkemidla for næringsutvikling:

• Vestnes Næringsforum (medlemsorganisasjon for ca 90 bedrifter, etablererrådgiving gjennom hoppid.no, bygdeutvikling, handelsutvikling m.m.)
• Næringsfondet til Vestnes kommune (1.1 mill kr som bedrifter kan søke midlar frå til utvikling, sjå www.vestnes.kommune.no)
• Utviklingsfondet til Vestnes kommune (ca 15 mill kr, som kan gå inn med eigen- eller framandkapital på inn til 5 mill kr i større prosjekt, sjå Verkemiddel her)
• Føniks Næringshage (utvikling av målbedrifter, utvikling av nettverk - 3/4 finansiert av SIVA og fylkeskommunen).

Ordføraren er næringssjef i kommunen, og han arbeider aktivt med næringsspørsmål. I tillegg kjem det store utviklingsarbeidet bedriftene sjølv legg ned.